Boy - 1.85

Çəki - 63

Göz rəngi - Tünd qəhvəyi

Saç rəngi - Açıq şabalıdı

Abbaslı Oktay Elnur oğlu 2 may 2005 - ci ildə Bakı şəhərində dünyaya gəlib. Əslən Masallı şəhərindən olan Oktay, atası hərbiçi olduğu üçün həyatının müxtəlif mərhələlərini fərqli şəhərlərdə yaşamalı olub. Oktayın ailəsi, 2006- cı ildə Gəncə şəhərinə köçüb, bir il burda yaşadıqdan sonra 2007-ci ildə Füzuli şəhərində məskunlaşıb. 2011-ci ildə məktəbə də məhz burda gedib.

1-ci sinifdən 3-cü sinfə kimi Füzuli şəhəri Musiqi Gimnaziyasında təhsil alan Oktay, 2014-cü ildə ailəsi ilə birgə Sumqayıt şəhərinə köçdükləri üçün , 4-cü sinifdən 9-cu sinfə kimi təhsilini Sumqayıt şəhəri 35 nömrəli tam orta məktəbdə davam etdirib.Daha sonra 9 və 10-cu siniflərə Bakı İstanbul özəl liseyində davam edib və 11 -ci sinfi isə 244 nömrəli tam orta məktəbdə başa vurub.

Marvel filmlərinin pərəstişkarı olması ona aktyorluğu sevdirib və bu peşəyə yiyələnməyə qərar verib. Buna görə də 2021-ci il sentyabr ayında Azərbaycan Film Akademiyasına daxil olub. Bununla da, onun aktyorluq sərgüzəşti başlayıb.

AFA-da təhsil aldığı müddətdə müxtəlif film və tamaşalarda rol alan Oktay, karyerasının zirvəsinə "Həyat nə qəribəsən" filmində canlandırdığı Hüseyn obrazı ilə çatıb.

Bundan əlavə, TUPAK adlı serial ilə gənclərin sevimlisinə çevrilib.

O, həmçinin AFA-nın nəzdində fəaliyyət göstərən Baməzə Talk show -nun aktyorudur.